விண்வெளி ஆய்வகத்தில் சாதனை படைத்த பெக்கி விட்சனுக்கு ட்ரம்ப் வாழ்த்து

534 நாட்கள் விண்வெளி ஆய்வகத்தில் நீண்ட நாட்கள் தங்கி சாதனை படைத்த பெக்கி விட்சனை அமெரிக்க ஜனாதிபதி டொனால்ட் ட்ரம்ப் தொலைபேசியில் தொடர்பு கொண்டு வாழ்த்து தெரிவித்துள்ளார்.

அமெரிக்கா, ரஷ்யா உள்ளிட்ட 13 நாடுகள் இணைந்து விண்வெளியில் ஆய்வகம் அமைத்து வருகின்றனர், அங்கு சென்று விண்வெளி வீரர்கள் தங்கி கட்டுமான பணியில் ஈடுபட்டு வருகின்றனர்.

இந்த நிலையில் விண்வெளி ஆய்வகத்தில் பெக்கி விட்சன் நீண்ட நாட்கள் தங்கி சாதனை படைத்துள்ளார்.

இவர் அங்கு 534 நாட்கள் 2 மணி 48 நிமிடங்கள் தங்கி பணியாற்றியுள்ளார்.

இதன் மூலம் விண்வெளியில் நீண்ட நாட்கள் தங்கிய ‘நாசா’ வீராங்கனை என்ற பெருமை பெற்றுள்ளார்.